ბიოგრაფია

სამეცნიერო ინტერესების სფეროა აგრო, ბიო, ნანო და საინფორმაციო  ტექნოლოგიები აგრარულ სექტორში. მეცნიერ-მკვლევარის სტატუსით მუშაობდა რუსეთში, ეგვიპტეში, საბერძნეთში, ისრაელში, ავსტრალიაში, გერმანიაში, სირიაში, ხოლო მიწვეულ პროფესორად მოშონმადიაროვარის (უნგრეთი), ოსაკის (იაპონია), ჯორჯიისა და მერილენდის (აშშ), ლუდონგისა და შანდუნის (ჩინეთი) უნივერსიტეტებში. მონაწილეობდა 23 საერთაშორისო სამეცნიერო საგრანტო და სამრეწველო-კომერციულ პროექტში. 36 საკანდიდატო და სადოქტორო დისერტაციის მეცნიერ-ხელმძღვანელია.

საქართველოში და საზღვარგარეთის 30-ზე მეტ ქვეყანაში გამოქვეყნებული აქვს 300-ზე მეტი ნაშრომი, აგრეთვე 6 მონოგრაფია, 18 სახელმძღვანელო, 8 მეთოდური მითითება, 2 პატენტი, ექვსენოვანი აგრარული ლექსიკონი და გლოსარიუმი. დამუშავებული აქვს 15 გამოგონება, საქართველოს 5 ადაპტირებული კანონი, სოფლის მეურნეობის განვითარების 3 ეროვნული სტრატეგია და კონცეფცია.

დაჯილდოვებულია საშუალო სკოლის დამთავრების ოქროს მედალით, სსრკ კვების მრეწველობის წარჩინებულის ვერცხლის მედალით, გაეროს UNESCO-ს კონფუცის ოქროს მედლით, საქართველოს ღირსების ორდენით, მალაიზიის HACCP-ის ოქროს მედალით, საქართველოს „წლის ინჟინრის“ საპატიო წოდებით, დეკაბრელევიჩის სახელობითი პრემიით.