ბიოგრაფია

სამეცნიერო ინტერესების სფეროები: ეთნოლოგია, საზოგადოებაში მიმდინარე ეთნიკური პროცესების კვლევა, რაც მოიცავს  საზოგადოების განვითარების და  სახელმწიფოს უსაფრთხოების ეთნიკური ასპექტების, ეთნოპოლიტიკის, ეროვნული უმცირესობის ინტეგრაციის, ერთაშორის ურთიერთობების, სამოქალაქო საზოგადოების, ეთნოკონფლიქტების, რელიგიის, ტრადიციის და კულტურის საკითხებს, რომლის აქტუალობას განსაზღვრავს გარდამავალ ეტაპზე საზოგადოებაში მიმდინარე კარდინალური ცვლილებები და   საქართველოს სასაზღვრო ზოლის მწვავე პრობლემები. კვლევა მე-XX საუკუნის 30-იან წლებში აკრძალული მეცნიერების (ეთნოლოგიის) თეორიული კვლევის პროგნოზირებადი ევროპული მიმართულებით  ხორციელდება; მეცნიერული ძიებანი „ღია და დახურულ საზოგადოებათა“ ურთიერთმიმართების პრობლემასთან დაკავშირებით, სადაც ადამიანი და საზოგადოება მთლიანობაში შეისწავლება; საბჭოთა ეთნოგრაფიისთვის არატრადიციული საკითხების (ტოლერანტობა, იდენტობა, ქსენოფობია, ღირებულებები და სხვ.) კვლევა.

გამოქვეყნებული შრომების რაოდენობა: 150-მდე  სხვადასხვა ენაზე გამოქვეყნებული სამეცნიერო ნაშრომის, 34 მონოგრაფიის, წიგნის და სახელმძღვანელოს ავტორი და თანაავტორი.