ბიოსამედიცინო სერია

სამეცნიერო ჟურნალი „საქართველოს მეცნიერებათა ეროვნული აკადემიის მაცნე, ბიოსამედიცინო სერია“ გამოდის 1975 წლიდან. ყოველწლიურად გამოდის ექვსი ნომერი. 1975 წლიდან სულ გამოიცა 47 ტომი. სტატიები გამოქვეყნებულია ქართულ, რუსულ ან ინგლისურ ენებზე შესაბამისი რეზიუმეებით დანარჩენ ორ ენაზე. ამ პერიოდის განმავლობაში გამოიცა 600-ზე მეტი სტატია, რომელთა ავტორები არიან ქართველი, აზერბაიჯანელი, სომეხი, რუსი, უკრაინელი, პოლონელი, გერმანელი, შვედი, რუმინელი, ბულგარელი, ფრანგი, ბრიტანელი, კანადელი, ამერიკელი, იაპონელი, სამხრეთ კორეელი და ჩინელი მეცნიერები.

ჟურნალი რეგულარულად იგზავნება რუსეთის სამეცნიერო და ტექნიკური ინფორმაციის ინსტიტუტში (რომელიც საერთაშორისო მიმოქცევაშია), ასევე East View-ს საინფორმაციო სამსახურში (აშშ).