მურმან ლებანიძე -100

მურმან ლებანიძე -100

  • ნოემბერი 21, 2022

2022 წლის 14 ნოემბერს საქართველოს მეცნიერებათა ეროვნული აკადემიისა და სრულიად საქართველოს რუსთაველის საზოგადოების ორგანიზებით, დიდი ქართველი პოეტის, მურმან ლებანიძის 100 წლისთავისადმი მიძღვნილი საიუბი­ლეო საღამო ჩატარდა.

იუბილე შესავალი სიტყვით გახსნა აკადემიის პრეზიდენტმა, აკადემიკოსმა გიორგი კვესიტაძემ, პოეტის შემოქმედებასა და მოღვაწეობაზე ისაუბრეს აკადე­მიკოსებმა როინ მეტრეველმა და ავთანდილ არაბულმა. საღამოს წამყვანი გახლდათ პოეტი დავით შემოქმედელი. მისასალმებელი სიტყვით გამოვიდა მანგლელი მიტრო­პოლიტი, მეუფე ანანია (ჯაფარიძე). შემდეგ კი, ტრიბუნაზე ერთმანეთს ცვლიდნენ მხატვრული კითხვის ოსტატები, მსახიობები: მურმან ჯინორია, ელდინო საღარაძე და გია ჯაფარიძე, პოეტები ლია სტურუა და მაყვალა გონაშვილი, კომპოზიტორი მარიკა კვალიაშვილი, აკადემიკოსი ლევან ჯაფარიძე, მურმან ლებანიძის მეგობარი რეზო ნოდარიშვილი, დიდი პოეტის შვილი ზაზა ლებანიძე. საღამოზე ასევე გაჟღერდა მომღერლების ზურა დოიჯაშვილის, თემურ წიკლაურისა და გოგი დოლიძის მიერ შესრულებული მურმან ლებანიძის ლექსებზე შექმნილი ყველასთვის საყვარელი სიმღერები: „მელიქიშვილის გამზირი“, „გაზაფხული შემოსულა, ლენ“ და სხვ. საიუბილეო საღამო დააგვირ­გვინა ბავშვთა ანსამბლ „ალილოს“  „მრავალჟამიერმა“.