კონკურსი საქართველოს მეცნიერებათა ეროვნული აკადემიის პრემიის მოსაპოვებლად

• მარტი 23, 2026

სსიპ საქართველოს მეცნიერებათა ეროვნული აკადემია აცხადებს კონკურსს, აკადემიის დაარსებიდან  85 წლისთავისადმი მიძღვნილი საიუბილეო ღონისძიების ფარგლებში  ახალგაზრდა და  წარმატებულ მეცნიერთათვის საქართველოს მეცნი­ერე­ბათა ეროვნული აკადემიის  პრემიის მოსაპოვებლად:

1. მათემატიკისა და ფიზიკის განყოფილება – ევგენი ხარაძის სახელობის პრემია (ფიზიკისა და ასტროფიზიკის დარგში)
2. დედამიწის შემსწავლელ მეცნიერებათა განყოფილება – ალექსანდრე ჯანელიძის სახელობის პრემია (გეოლოგიის დარგში)
3. საინჟინრო მეცნიერებათა და ინფორმაციული ტექნოლოგიების განყოფილება – გიორგი ნიკოლაძის სახელობის პრემია (ტექნიკის დარგში)
4. ქიმიისა და ქიმიური ტექნოლოგიების განყოფილება – რაფიელ აგლაძის სახელობის პრემია (ქიმიური ტექნოლოგიის დარგში)
5. ბიოლოგიურ მეცნიერებათა განყოფილება – სერგი დურმიშიძის სახელობის პრემია (ბიოქიმიის დარგში)
6. ფიზიოლოგიისა და მედიცინის განყოფილება – ალექსანდრე ნათიშვილის სახელობის პრემია (ადამიანის ანატომიის, მორფოლოგიის, ფიზიოლოგიისა და პათოლოგიის დარგში)
7. სოფლის მეურნეობის მეცნიერებათა განყოფილება – ლეონარდე დეკაპრე­ლევიჩის სახელობის პრემია (კულტურულ მცენარეთა გენეტიკასა და სელექციის დარგში)
8. საზოგადოებრივ მეცნიერებათა განყოფილება – გიორგი მელიქიშვილის სახელობის პრემია (ძველი ისტორიის დარგში)
9. ენის, ლიტერატურისა და ხელოვნების განყოფილება – აკაკი შანიძის სახელობის პრემია (ქართული ენისა და ფილოლოგიის დარგში)

 

საქართველოს მეცნიერებათა ეროვნული აკადემიის პრემიის (შემდგომში – პრემია) მოსა­პოვებლად ახალგაზრდა და წარმატებული მეცნიერი უნდა იყოს საქართველოს მოქალაქე, დოქტორის აკადემიური ხარისხის მქონე პირი, მისი ასაკი კონკურსის გამოცხადებისას არ უნდა აღემატებოდეს 40 წელს.

ახალგაზრდა და წარმატებული მეცნიერი პრემიის მოსაპოვებლად შეიძლება წარადგინონ სამეც­ნიერო-კვლევითმა დაწესებულებებმა, უმაღლესმა სასწავლებ­ლებმა, სამეც­ნიერო საზოგადო­ებებმა, სამეცნიერო ცენ­ტრებმა ან შესაბამისი დარგის წამყვანმა მეცნიერებმა და სპეცია­ლისტებმა. იმ ორგანიზაციებმა ან ცალკეულმა პირებმა, რომლებიც საქარ­თველოს მეცნიერე­ბათა ეროვნულ აკადემიაში პრემიის მოსა­პო­ვებლად წარადგენენ კანდიდატს, უნდა მიუ­თითონ პრემიის დასახელება.

ერთსა და იმავე პირს, ერთი და იგივე პრემია განმეორებით არ მიენიჭება.

კონკურსში მონაწილემ უნდა  წარმოადგინოს შემდეგი საბუთები:

ა) დასაბუთებული  წარდგინება, რომელიც შეიცავს  კანდიდატის სამეცნიერო მიღწევების დახასიათებას;

ბ) მონაცემები კანდიდატის შესახებ (საანკეტო მონაცემები CV);

გ) დოქტორის ხარისხის დამადასტურებელი დიპლომი (ასლი);

დ) ძირითადი სამეცნიერო ნაშრომები (მონოგრაფია, სამეცნიერო ჟურნალში გამოქვეყნებული შრომა ან შრომათა ციკლი);

ე) საერთაშორისო და ეროვნულ საგრანტო პროექტებში მონაწილეობის დამადას­ტურებელი ინფორმაცია (არსებობის შემთხვევაში);

ვ) საერთაშორისო და ეროვნულ კონფერენციებში მონაწილეობის დამადასტურებელი ინფორმაცია (არსებობის შემთხვევაში);

ზ) სტიპენდიების დამადასტურებელი ინფორმაცია (არსებობის შემთხვევაში);

თ) საკონკურსოდ წარმოდგენილი  დოკუმენტების ელექტრონული ვერსია.

 

მასალები პრემიის მოსაპოვებლად წარმოდგენილ უნდა იქნეს 2026  წლის  23 მარტიდან  15  აპრილის ჩათვლით  შემდეგ მისამართზე:  თბილისი, რუსთაველის გამზ. N 52, ოთახი 320. საბუთები მიიღება ყოველი სამუშაო დღის 11⁰⁰-დან 17⁰⁰ საათამდე.

პრემიით დაჯილდოებულ ახალგაზრდა და წარმატებულ მეცნიერს გადაეცემა დაწესებული ფულადი ჯილდო 3000 ლარის ოდენობით და დიპლომი.

საკონტაქტო ტელეფონი:  2-99-00-52