საერთო კრება

• დეკემბერი 28, 2021

საქართველოს მეცნიერებათა ეროვნულ აკადემიაში მიმდინარე წლის 24 დეკემბერს ჩატარდა აკადემიის საერთო კრება, რომელიც შესავალი სიტყვით გახსნა აკადემიის პრეზიდენტმა, აკადემიკოსმა გიორგი კვესიტაძემ.

კრებაზე წარმოდგენილი იყო შემდეგი საკითხები: გამოჩენილ მეცნიერთა სახელობითი პრემიის ლაურეატებისათვის დიპლომების გადაცემა; ინფორმაცია 2021 წელს საქართველოს მეცნიერებათა ეროვნული აკადემიის მუშაობის შესახებ (მომხსენებელი – სამეცნიერო-საორგანიზაციო სამმართველოს უფროსი, მეცნიერებათა დოქტორი გონელი არახამია); აკადემიის წესდებაში ცვლილებების შეტანის შესახებ (მომხსენებელი – აკადემიკოსი რამაზ ხუროძე).

კრებაზე ასევე, აკადემიის უცხოელ წევრებად არჩეულ იქნენ: თელ-ავივის უნივერსიტეტის გეოფიზიკის დეპარტამენტის პროფესორი ზვი ბენ-ავრაჰამი გეოფიზიკის დარგში და აზერბაიჯანელი მეცნიერი, ხაზარის უნივერსიტეტის დირექტორთა საბჭოს თავმჯდომარე, პროფესორი ჰამლეტ ისახანლი გამოყენებითი მექანიკის დარგში.

კრებას მუსიკალურად აფორმებდა ანსამბლი „ერისიონი“.