აკადემიის წევრთა არჩევნები
- სექტემბერი 9, 2026
საქართველოს მეცნიერებათა ეროვნული აკადემია აცხადებს ვაკანსიებს საქართველოს მეცნიერებათა ეროვნული აკადემიის ნამდვილ წევრთა (აკადემიკოსთა) და წევრ-კორესპონდენტთა ასარჩევად შემდეგ სპეციალობებში:
| სპეციალობა | ვაკანსია |
| მათემატიკა | 1 |
| გეოლოგია | 1 |
| ბიოლოგია | 1 |
| რადიოლოგია | 1 |
| არქეოლოგია | 1 |
| ქართული ენა და ლიტერატურა | 1 |
წევრ-კორესპონდენტთა ვაკანსიები
| სპეციალობა | ვაკანსია |
| საერთაშორისო ურთიერთობები | 1 |
| მეღვინეობა | 1 |
საქართველოს მეცნიერებათა ეროვნული აკადემიის ნამდვილ წევრად (აკადემიკოსად) შეიძლება აირჩეს საქართველოს მოქალაქე, საქართველოში მოღვაწე, მაღალი სამეცნიერო ავტორიტეტის მქონე მეცნიერი, რომელსაც საერთაშორისო დონის წვლილი აქვს შეტანილი მეცნიერების განვითარებაში.
საქართველოს მეცნიერებათა ეროვნული აკადემიის წევრ-კორესპონდენტად შეიძლება აირჩეს საქართველოს მოქალაქე, საქართველოში მოღვაწე, მაღალი სამეცნიერო ავტორიტეტის მქონე მეცნიერი, რომელსაც მნიშვნელოვანი წვლილი აქვს შეტანილი მეცნიერების განვითარებაში.
საქართველოს მეცნიერებათა ეროვნული აკადემიის ნამდვილი წევრობის (აკადემიკოსობის) კანდიდატთა წარდგენის უფლება აქვს: საქართველოს მეცნიერებათა ეროვნული აკადემიის ნამდვილ წევრს (აკადემიკოსს); ავტორიზებულ საჯარო, კერძო უმაღლეს საგანმანათლებლო დაწესებულებას (აკადემიური საბჭოს გადაწყვეტილებით); საჯარო სამართლის იურიდიულ პირს – სამეცნიერო-კვლევით დაწესებულებას (სამეცნიერო საბჭოს გადაწყვეტილებით).
საქართველოს მეცნიერებათა ეროვნული აკადემიის წევრ-კორესპონდენტობის კანდიდატთა წარდგენის უფლება აქვს: საქართველოს მეცნიერებათა ეროვნული აკადემიის ნამდვილ წევრს (აკადემიკოსს), წევრ-კორესპონდენტს; ავტორიზებულ საჯარო, კერძო უმაღლეს საგანმანათლებლო დაწესებულებას (აკადემიური საბჭოს გადაწყვეტილებით); საჯარო სამართლის იურიდიულ პირს სამეცნიერო-კვლევით დაწესებულებას (სამეცნიერო საბჭოს გადაწყვეტილებით).
საქართველოს მეცნიერებათა ეროვნული აკადემიის ნამდვილი წევრობისა (აკადემიკოსობის) და წევრ-კორესპონდენტობის კანდიდატთა მიერ წარმოდგენილი უნდა იყოს შემდეგი საბუთები (ორ ეგზემპლარად):
- აკადემიკოსობის კანდიდატებისათვის აკადემიის ნამდვილი წევრების (აკადემიკოსების), ხოლო წევრ-კორესპონდენტობის კანდიდატებისათვის აკადემიის ნამდვილი წევრების ან წევრ-კორსპონდენტების წარდგინება (დედანი), დამოწმებული წარმდგენის ხელმოწერითა და სველი ბეჭდით, ან ავტორიზებული საჯარო, კერძო უმაღლესი საგანმანათლებლო დაწესებულების (აკადემიური საბჭოს გადაწყვეტილებით); საჯარო სამართლის იურიდიული პირის – სამეცნიერო-კვლევითი დაწესებულების (სამეცნიერო საბჭოს გადაწყვეტილებით) წარდგინება (დედანი, დაბეჭდილი ტიტულოვან ბლანკზე) სათანადო დასაბუთებით, დამოწმებული წარმდგენის ხელმოწერითა და დაწესებულების სველი ბეჭდით;
- ფერადი ფოტო 4/6;
- მეცნიერებათა დოქტორის, აკადემიური დოქტორის ან მასთან გათანაბრებული სამეცნიერო ხარისხის დამადასტურებელი დიპლომის ასლი (დამოწმებული ნოტარიულად);
- მონაცემები შრომითი და სამეცნიერო საქმიანობის შესახებ (CV);
- ძირითადი სამეცნიერო შრომების ჩამონათვალი სრული ფორმით (უცხოეთში გამოქვეყნებული სამეცნიერო ნაშრომები აღინიშნება ვარსკვლავით);
- კანდიდატის სამეცნიერო მოღვაწეობის შეფასება დარგის სპეციალისტის მიერ;
- კანდიდატის პირადობის მოწმობის ან პასპორტის ასლი;
- საბუთები წარმოდგენილი უნდა იყოს ქართულ ენაზე (საჭიროების შემთხვევაში ნოტარიულად დამოწმებული თარგმანი) პირადად აკადემიის ნამდვილი წევრობის (აკადემიკოსობის), წევრ-კორესპონდენტობის კანდიდატთა მიერ.
საბუთები კანდიდატთა რეგისტრაციისათვის მიიღება საქართველოს მეცნიერებათა ეროვნულ აკადემიაში 2026 წლის 14 სექტემბრიდან 15 ოქტომბრის ჩათვლით შემდეგ მისამართზე: რუსთაველის გამზ., 52, საქართველოს მეცნიერებათა ეროვნული აკადემია (ადამიანური რესურსების მართვისა და სპეციალურ დავალებათა დეპარტამენტი, IV სართული, ოთახი 409, ტელ. 2 93-29-86; მობ.: 599-51-00-07; 577 40-61-51). საბუთები მიიღება ყოველ სამუშაო დღეს 11-დან 17 საათამდე.
აღნიშნული განცხადება და კანდიდატის მონაცემები (CV) გამოქვეყნდება საქართველოს მეცნიერებათა ეროვნული აკადემიის ვებგვერდზე (www.science.org.ge).
კანდიდატის CV და ფოტოსურათი წარმოდგენილი უნდა იყოს ელექტრონული ფორმით ელექტრონულ მისამართზე hr@science.org.ge.
შენიშვნა: დამატებითი ინფორმაციის მიღება შესაძლებელია აკადემიის ადამიანური რესურსების მართვისა და სპეციალურ დავალებათა დეპარტამენტში