განცხადება

• იანვარი 30, 2023

 

საქართველოს მეცნიერებათა ეროვნული აკადემია აცხადებს ვაკანსიებს საქართვე­ლოს მეცნიერებათა ეროვნული აკადემიის ნამდვილი წევრების (აკადემიკოსების) ასარ­ჩევად შემდეგ სპეციალობებში:

საზოგადოებრივ მეცნიერებათა განყოფილება
სპეციალობა	ვაკანსია
საქართველოს ისტორია, არქეოლოგია, ეთნოლოგია, ხელოვნების ისტორია	1
ფსიქოლოგია	1
საინჟინრო მეცნიერებათა და ინფორმაციული ტექნოლოგიების განყოფილება
სპეციალობა	ვაკანსია
ჰიდროტექნიკური ნაგებობები	1
ინფორმაციის დამუშავება და სტატისტიკური ანალიზი	1
მათემატიკისა და ფიზიკის განყოფილება
სპეციალობა	ვაკანსია
ფიზიკა	1
მათემატიკა	1

საქართველოს მეცნიერებათა ეროვნული აკადემიის ნამდვილ წევრად (აკადემი­კოსად) შეიძ­ლება აირჩეს საქართველოს მოქალაქე, საქართველოში მოღვაწე მაღალი სამეცნიერო ავტორიტეტის მქონე მეცნიერი, რომელსაც საერთაშორისო დონის წვლილი აქვს შეტანილი მეცნიერების განვი­თარებაში.

საქართველოს მეცნიერებათა ეროვნული აკადემიის ნამდვილი წევრობის (აკადემი­კოსობის) კანდიდატთა წამოყენების უფლება აქვთ საქართველოს მეცნიერებათა ეროვ­ნული აკადემიის ნამდვილ წევრებს, სამეცნიერო დაწე­სებულებებს, სახელმწიფო და  კერძო ავტორიზებულ უმაღლეს სასწავლებლებს.

საქართველოს მეცნიერებათა ეროვნული აკადემიის აკადემიკოსობის კანდიდატთა მიერ წარმოდგენილ უნდა იქნეს შემდეგი საბუთები (ორ ეგზემპლარად):

• აკადემიის ნამდვილი წევრის (წევრების) წარდგინება (დედანი), დამოწმებული წარმდგე­ნის ხელმოწერითა და სველი ბეჭდით, ან სამეცნიერო დაწესებულებე­ბის, სახელმწიფო უმაღლესი სასწავლებლების, კერძო ავტორი­ზებული უმაღლე­სი სასწავლებლების წარდგინება (დედანი, დაბეჭდილი ტიტულოვან ბლანკზე) სათანადო დასაბუთებით, დამოწმებული წარმდგენის ხელმოწერითა და დაწესე­ბულების სველი ბეჭდით;
• ფერადი ფოტო 4/6;
• სამეცნიერო ხარისხის დამა­დასტურებელი დიპლომის ასლი (დამოწმებული ნოტა­რი­ულად);
• მონაცე­მები შრომითი და სამეცნიერო საქმიანობის შესახებ (CV);
• ძირითადი სამეცნიერო შრომების ჩამონათვალი (უცხოეთში გამო­ქვეყნებული სამეცნიერო ნაშრომები აღინიშნება ვარსკვლავით);
• კანდი­დატის სამეცნიერო მოღვაწეობის შეფასება დარგის სპეცია­ლისტის მიერ;
• კანდიდატის პირადობის მოწმობის ან პასპორტის ასლი;
• საბუთები წარმოდგენილ უნდა იქნეს ქართულ ენაზე (საჭიროების შემთხვევაში ნოტარიულად დამოწმებული თარგმანი) პირადად აკადემიკოსობის კანდიდა­ტის მიერ.

საბუთები კანდიდატთა რეგისტრაციისათვის მიიღება საქართველოს მეცნიერე­ბათა ეროვ­ნულ აკადე­მიაში 2023 წლის 30 იანვრიდან 1 მარტის ჩათვლით შემდეგ მისამართზე: რუსთაველის გამზ., 52, საქართველოს მეცნი­ერებათა ეროვნული აკადემია (ადამიანური რესურსების  მართვისა  და სპეციალურ დავალებათა დეპარტამენტი, IV სართული, ოთახი 409, ტელ. 2 93-29-86;  577 40-61-51). საბუთები მიიღება ყოველ სამუშაო დღეს 11-დან 17 საათამდე.

აღნიშნული განცხადება და კანდიდატის მონაცემები (CV) განთავსდება საქართვე­ლოს მეცნი­ერებათა ეროვნული აკადემიის ვებგვერდზე (www. science.org.ge), რისთვისაც წარმოდგენილ უნდა იქნეს CD დისკზე ჩაწერილი კანდიდატის CV და ფოტოსურათი.

შენიშვნა: დამატებითი ინფორმაციის მიღება შესაძლებელია აკადემიის ადამიანური რესურსების მართვისა და სპეციალურ დავალებათა დეპარტამენტში.

 

საქართველოს მეცნიერებათა ეროვნული აკადემია