კონკურსი აკადემიის ნამდვილ წევრთა და წევრ-კორესპონდენტთა ასარჩევად
- ოქტომბერი 2, 2024
საქართველოს მეცნიერებათა ეროვნული აკადემია აცხადებს ვაკანსიებს საქართველოს მეცნიერებათა ეროვნული აკადემიის ნამდვილ წევრთა (აკადემიკოსთა) და წევრ-კორესპონდენტთა ასარჩევად შემდეგ სპეციალობებში:
აკადემიკოსთა ვაკანსიები
| სპეციალობა | ვაკანსია |
| ფიზიკა | 1 |
| საქართველოს ისტორია, ეთნოლოგია, არქეოლოგია, ფიზიკური ანთროპოლოგია, ხელოვნებათმცოდნეობა | 1 |
წევრ-კორესპონდენტთა ვაკანსიები
| სპეციალობა | ვაკანსია |
| მათემატიკა | 2 |
| გეოლოგია | 1 |
| გეოფიზიკა | 1 |
| ენერგეტიკა | 1 |
| სამთო საქმე | 1 |
| ეკონომიკის მართვის კომპიუტერული მოდელები | 1 |
| ქიმია და ქიმიური ტექნოლოგიები | 1 |
| მეტალურგია და მასალათმცოდნეობა | 1 |
| ზოოლოგია | 1 |
| მცენარეთა ბიოქიმია | 1 |
| თეორიული მედიცინა | 1 |
| კლინიკური მედიცინა | 1 |
| მეცხოველეობა | 1 |
| ვეტერინარია | 1 |
| საქართველოს ისტორია, ეთნოლოგია, არქეოლოგია | 1 |
| სამართალმცოდნეობა | 1 |
| ფილოსოფია, ფილოსოფიის ისტორია | 1 |
| ხელოვნების ისტორია და თეორია | 1 |
| ძველი ქართული ლიტერატურა | 1 |
| ლიტერატურათმცოდნეობა, კულტუროლოგია | 1 |
საქართველოს მეცნიერებათა ეროვნული აკადემიის ნამდვილ წევრად (აკადემიკოსად) შეიძლება აირჩეს საქართველოს მოქალაქე, საქართველოში მოღვაწე, მაღალი სამეცნიერო ავტორიტეტის მქონე მეცნიერი, რომელსაც საერთაშორისო დონის წვლილი აქვს შეტანილი მეცნიერების განვითარებაში.
საქართველოს მეცნიერებათა ეროვნული აკადემიის წევრ-კორესპონდენტად შეიძლება აირჩეს საქართველოს მოქალაქე, საქართველოში მოღვაწე მაღალი სამეცნიერო ავტორიტეტის მქონე მეცნიერი, რომელსაც მნიშვნელოვანი წვლილი აქვს შეტანილი მეცნიერების განვითარებაში.
საქართველოს მეცნიერებათა ეროვნული აკადემიის ნამდვილი წევრობის (აკადემიკოსობის) კანდიდატთა წამოყენების უფლება აქვთ: საქართველოს მეცნიერებათა ეროვნული აკადემიის ნამდვილ წევრებს (აკადემიკოსებს), სამეცნიერო დაწესებულებებს, სახელმწიფო უმაღლეს სასწავლებლებსა და კერძო ავტორიზებულ უმაღლეს სასწავლებლებს.
საქართველოს მეცნიერებათა ეროვნული აკადემიის წევრ-კორესპონდენტობის კანდიდატთა წამოყენების უფლება აქვთ საქართველოს მეცნიერებათა ეროვნული აკადემიის წევრებს (აკადემიის ნამდვილ წევრებსა და წევრ-კორესპონდენტებს), სამეცნიერო დაწესებულებებს, სახელმწიფო და კერძო ავტორიზებულ უმაღლეს სასწავლებლებს.
საქართველოს მეცნიერებათა ეროვნული აკადემიის ნამდვილი წევრობისა (აკადემიკოსობის) და წევრ-კორესპონდენტობის კანდიდატთა მიერ წარმოდგენილი უნდა იყოს შემდეგი საბუთები (ორ ეგზემპლარად):
- აკადემიკოსობის კანდიდატებისათვის აკადემიის ნამდვილი წევრების, ხოლო წევრ-კორესპონდენტობის კანდიდატებისათვის აკადემიის ნამდვილ წევრთა და წევრ-კორესპონდენტთა წარდგინება (დედანი), დამოწმებული წარმდგენის ხელმოწერითა და სველი ბეჭდით, ან სამეცნიერო დაწესებულებების, სახელმწიფო უმაღლესი სასწავლებლების, კერძო ავტორიზებული უმაღლესი სასწავლებლების წარდგინება (დედანი, დაბეჭდილი ტიტულოვან ბლანკზე) სათანადო დასაბუთებით, დამოწმებული წარმდგენის ხელმოწერითა და დაწესებულების სველი ბეჭდით;
- ფერადი ფოტო 4/6;
- სამეცნიერო ხარისხის დამადასტურებელი დიპლომის ასლი (დამოწმებული ნოტარიულად);
- მონაცემები შრომითი და სამეცნიერო საქმიანობის შესახებ (CV);
- ძირითადი სამეცნიერო შრომების ჩამონათვალი სრული ფორმით (უცხოეთში გამოქვეყნებული სამეცნიერო ნაშრომები აღინიშნება ვარსკვლავით);
- კანდიდატის სამეცნიერო მოღვაწეობის შეფასება დარგის სპეციალისტის მიერ;
- კანდიდატის პირადობის მოწმობის ან პასპორტის ასლი;
- საბუთები წარმოდგენილი უნდა იყოს ქართულ ენაზე (საჭიროების შემთხვევაში ნოტარიულად დამოწმებული თარგმანი) პირადად აკადემიის ნამდვილი წევრობის (აკადემიკოსობის) და წევრ-კორესპონდენტობის კანდიდატთა მიერ.
საბუთები კანდიდატთა რეგისტრაციისათვის მიიღება საქართველოს მეცნიერებათა ეროვნულ აკადემიაში 2024 წლის 9 სექტემბრიდან 9 ოქტომბრის ჩათვლით შემდეგ მისამართზე: რუსთაველის გამზ., 52, საქართველოს მეცნიერებათა ეროვნული აკადემია (ადამიანური რესურსების მართვისა და სპეციალურ დავალებათა დეპარტამენტი, IV სართული, ოთახი 409, ტელ. 2 93-29-86; 577 40-61-51). საბუთები მიიღება ყოველ სამუშაო დღეს 11-დან 17 საათამდე.
აღნიშნული განცხადება და კანდიდატის მონაცემები (CV) გამოქვეყნდება საქართველოს მეცნიერებათა ეროვნული აკადემიის ვებგვერდზე (www. science.org.ge).
კანდიდატის CV და ფოტოსურათი წარმოდგენილი უნდა იყოს ელექტრონული ფორმით ელექტრონულ მისამართზე hr@science.org.ge
შენიშვნა: დამატებითი ინფორმაციის მიღება შესაძლებელია აკადემიის ადამიანური რესურსების მართვისა და სპეციალურ დავალებათა დეპარტამენტში.