სამეცნიერო მოხსენება – ივანე ჯავახიშვილის წინაპრები

• მარტი 21, 2025

მიმდინარე წლის 21 მარტს, საქართველოს მეცნიერებათა ეროვნულ აკადემიაში ჩატარდა საქართველოს ისტორიკოსთა ეროვნული კომიტეტის და ექვთიმე თაყაიშვილის სახელობის საქართველოს საისტორიო საზოგადოების ერთობლივი სხდომა, რომელზეც წარმოდგენილი იყო ისტორიის მეცნიერებათა დოქტორის, პროფესორის, ლატვიის მეცნიერებათა აკადემიის უცხოელი წევრის ნიკოლოზ ჯავახიშვილის მოხსენება – „ივანე ჯავახიშვილის წინაპრები“.

სხდომა შესავალი სიტყვით გახსნა საქართველოს მეცნიერებათა ეროვნული აკადემიისა და საქართველოს ისტორიკოსთა ეროვნული კომიტეტის პრეზიდენტმა, აკადემიკოსმა როინ მეტრეველმა.

მომხსენებელმა ისაუბრა დიდი ქართველი მეც­­­ნი­ე­რი­სა და სა­ზოგადო მოღვაწის, თბილისის სახელმწიფო უნი­ვერსიტეტის დამაარ­სებ­ლის ივა­ნე ალ­ე­ქ­­სა­­ნდრეს ძე ჯავახიშვილის (1876-1940) წინაპრებისა და ნა­თე­სა­ვების შესახებ – მისი მა­მი­ს ალექსანდრე ივანეს ძე ჯავახიშვილისა (1844-1912) და დედის – სოფიო ათანასეს ასული ვახვახიშვილის (1855-1928) მხრი­დან.

როგორც ნიკოლოზ ჯავახიშვილმა აღნიშნა, ნაშრომი იყოფა ოთხ ნაწილად: პირველში შესწავლილია ქართლის თა­ვად ჯავა­ხი­შ­­ვი­ლთა საგ­ვა­რე­ულოს ის­ტორია, მეორეში გამოკვლეულია კა­ხე­თის თავად ვა­ხვახი­შ­­ვი­ლთა გ­ვა­რის ის­ტო­რია, მესა­მეში შესწავლილია თავად ჯავახიშ­ვი­­ლთა სა­­გ­ვარეულო გე­რბები, ხოლო მე­­­ოთხე­ში და­დ­გენილ­ნი არი­ან ივანე ჯა­ვა­ხიშ­ვი­ლის უშუალო წი­ნაპ­რები მა­მის მხრიდან, ანუ პი­რ­დაპირი (მამრო­ბი­თი) ხაზით.

მოხსენებამ მსმენელთა მხრიდან დიდი ინტერესი გამოიწვია და დასასრულ გაიმართა დისკუსია.