ახალგაზრდა მეცნიერთა VIII ინტერდისციპლინური კონფერენცია
- ივნისი 29, 2026
ახალგაზრდა მეცნიერთა საბჭო იწვევს ბაკალავრიატის, მაგისტრატურისა და დოქტორანტურის სტუდენტებს, ასევე, 40 წლამდე მკვლევრებს (თავისუფალი მკვლევარი, ინსტიტუტის მეცნიერ თანამშრომელი, უნივერსიტეტის მიწვეული ლექტორი ან პროფესორი) მონაწილეობის მისაღებად VIII ინტერდისციპლინურ სამეცნიერო კონფერენციაში, რომელიც ეძღვნება საქართველოს მეცნიერებათა ეროვნული აკადემიის 85-ე წლისთავს. კონფერენციის მიზანია ხელი შეუწყოს სხვადასხვა დარგის ახალგაზრდა მკვლევრებს შორის ცოდნის გაზიარებას, ინოვაციური იდეების გენერირებასა და მულტიდისციპლინურ თანამშრომლობას. კონფერენციის სამუშაო ენებია: ქართული და ინგლისური. უცხოელ ან უცხოეთში მყოფ ქართველ მონაწილეებს შეუძლიათ კონფერენციაზე დისტანციურად დასწრება. კონფერენციის მონაწილეებს გადაეცემათ სერტიფიკატები, ხოლო მათი ნაშრომები გამოქვეყნდება კრებულში.
დეტალური ინფორმაცია იხილეთ ბმულზე.