განცხადება გამოჩენილ მეცნიერთა სახელობითი აკადემიური პრემიების მინიჭების შესახებ
- ნოემბერი 11, 2026
საქართველოს მეცნიერებათა ეროვნული აკადემიის პრეზიდიუმის დადგენილებით, გამოჩენილ მეცნიერთა სახელობითი აკადემიური პრემია მიენიჭათ:
- ანდრია რაზმაძის სახელობის პრემია – აკადემიკოს ელიზბარ ნადარაიას და მათემატიკის აკადემიურ დოქტორ პეტრე ბაბილუას ნაშრომთა ციკლისათვის – „დაკვირვებათა განაწილების კანონის ფუნქციონალური მახასიათებლების (განაწილების სიმკვრივის, რეგრესიის ფუნქციის) არაპარამეტრულ შეფასებათა თეორიის ზოგიერთი ამოცანა“.
- ალექსანდრე ჯანელიძის სახელობის პრემია – გეოლოგიის აკადემიურ დოქტორ კახაბერ ქოიავას ნაშრომთა ციკლისათვის – „კავკასიონის ტექტონიკური აგებულება და გეოდინამიკური ევოლუცია“.
- კირიაკ ზავრიევის სახელობის პრემია – მშენებლობის ინჟინერიის დოქტორ თამაზ ხმელიძესა და ტექნიკის მეცნიერებათა დოქტორ გელა ყიფიანს მონოგრაფიისათვის – „კომპოზიტური კონსტრუქციები“.
- იოველ ქუთათელაძის სახელობის პრემია – მთავარ მეცნიერ თანამშრომელს მალხაზ გეთიას და უფროს მეცნიერ თანამშრომელს ვახტანგ მშვილდაძეს ნაშრომთა ციკლისათვის – „ტერპენული ბუნების ბიოლოგიურად აქტიური ნივთიერებების ფარმაკოქიმიური შესწავლა და შეფასება“.
- ლეო დავითაშვილის სახელობის პრემია – გეოლოგია-მინერალოგიის მეცნიერებათა დოქტორ ელისო ყვავაძეს, სიცოცხლის შემსწავლელ მეცნიერებათა დოქტორებს: ინგა მარტყოფლიშვილს და მაია ჭიჭინაძეს ნაშრომთა ციკლისათვის – „უძველესი ადამიანის საქმიანობა და გარემო პირობები – საქართველოს ადრე ბრინჯაოს ხანის ძეგლების პალინოლოგიური მონაცემები“.
- ალექსანდრე ნათიშვილის სახელობის პრემია – მედიცინის მეცნიერებათა დოქტორს ლიანა კიკალიშვილს შრომათა ციკლისათვის – „ღვიძლისა და სანაღვლე გზების მორფოლოგიური თავისებურებების ექსპერიმენტული შესწავლა ნორმასა და პათოლოგიაში“.
- ლეონიდე დეკაპრელევიჩის სახელობის პრემია – სოფლის მეურნიერების მეცნიერებათა დოქტორ ცოტნე სამადაშვილს ნაშრომისათვის – „ტრიტიკალეს სელექცია საქართველოში და მისი გამოყენების პერსპექტივები“.
- გიორგი ნიორაძის სახელობის პრემია – ისტორიის აკადემიურ დოქტორ გიორგი ნიორაძეს ნაშრომისათვის – „ადრეული ჰომინიდების ადგილსამყოფელი დმანისში და მისი ქვის ინდუსტრია“.
- ვარლამ თოფურიას სახელობის პრემია – ფილოლოგიის მეცნიერებათა დოქტორ მერაბ ბერიძეს მონოგრაფიისათვის – „მესხეთის ტოპონიმია“ (ორტომეული).