16 ივლისის პრეზიდიუმის დადგენილება
- ივლისი 23, 2019
საინჟინრო მეცნიერებათა და ინფორმაციული ტექნოლოგიების განყოფილებაში საქართველოს მეცნიერებათა ეროვნული აკადემიის ნამდვილი წევრის (აკადემიკოსის) არჩევის შესახებ
პრეზიდიუმი ადგენს:
- საქართველოს მეცნიერებათა ეროვნული აკადემიის საინჟინრო მეცნიერებათა და ინფორმაციული ტექნოლოგიების განყოფილებაში აკადემიკოსობის კანდიდატის შერჩევასთან დაკავშირებით გათვალისწინებულ იქნეს აკადემიკოს როინ მეტრეველის წინადადება და დამტკიცდეს საექსპერტო კომისია შემდეგი შემადგენლობით:
– აკადემიკოსი ელგუჯა მეძმარიაშვილი (თავმჯდომარე)
– აკადემიკოსი თამაზ შილაკაძე
– აკადემიკოსი გოჩა ჩოგოვაძე
– აკადემიკოსი ლევან ჯაფარიძე
- აკადემიკოსობის კანდიდატთა მოხსენებების მოსმენა სამეცნიერო მოღვაწეობის შესახებ გაიმართოს 2019 წლის 11 სექტემბერს.
- საინჟინრო მეცნიერებათა და ინფორმაციული ტექნოლოგიების განყოფილებაში აკადემიკოსობის კანდიდატის შესარჩევად ჩატარდეს საერთო კრება 2019 წლის 17 სექტემბერს.
- აკადემიკოსობის კანდიდატის შერჩევის პროცესზე ხელმძღვანელობა დაევალოს აკადემიკოს ელგუჯა მეძმარიაშვილს და განყოფილების სწავლულ მდივანს ნელი კილასონიას.
- აკადემიკოსობის კანდიდატის შერჩევასთან დაკავშირებით დამტკიცდეს საინჟინრო მეცნიერებათა და ინფორმაციული ტექნოლოგიების განყოფილების საერთო კრებაზე აკადემიკოსთა სიითი შემადგენლობა:
– აკად. ელგუჯა მეძმარიაშვილი
– აკად. თამაზ ნატრიაშვილი
– აკად. არჩილ ფრანგიშვილი
– აკად. თამაზ შილაკაძე
– აკად. გოჩა ჩოგოვაძე
– აკად. ლევან ჯაფარიძე
სიითი შემადგენლობა განისაზღვროს 6 აკადემიკოსით.
- საქართველოს მეცნიერებათა ეროვნულ აკადემიაში აკადემიის ნამდვილი წევრის (აკადემიკოსის) ასარჩევად მოწვეულ იქნეს საერთო კრება 2019 წლის 20 სექტემბერს.
საქართველოს მეცნიერებათა ეროვნული აკადემიის პრეზიდენტი
აკადემიკოსი გ. კვესიტაძე