განცხადება მეცნიერებათა ეროვნული აკადემიის სტიპენდიატების ასარჩევად

• ნოემბერი 13, 2024

საქართველოს მეცნიერებათა ეროვნული აკადემია „საქართველოს მეცნი­ერებათა ეროვნული აკადემიის შესახებ“ საქართველოს კანონის მე-11 მუხლისა და აკადემიის წესდების მე-10 თავის საფუძველზე, აცხადებს ვაკანსიებს საქარ­თველოს მეცნიერებათა ეროვნული აკადემიის სტიპენდიატების ასარჩევად შემდეგ სპეცია­ლობებში:

• მათემატიკისა და ფიზიკის განყოფილება – 1 ვაკანსია სპეციალობა –  მათემატიკა)
• დედამიწის შემსწავლელ მეცნიერებათა განყოფილება – 1 ვაკანსია (სპეციალობა – გეოფიზიკა)
• საინჟინრო მეცნიერებათა და ინფორმაციული ტექნოლოგიების განყოფი­ლება – 1 ვაკანსია (სპეციალობა – ინფორმაციული ტექნოლოგიები)
• ქიმიისა და ქიმიური ტექნოლოგიების განყოფილება – 1 ვაკანსია (სპეციალობა – მაღალმოლეკულურ ნაერთთა ქიმია)
• ბიოლოგიურ მეცნიერებათა განყოფილება – 1 ვაკანსია (სპეციალობა – ბიოლოგია)
• ფიზიოლოგიისა და მედიცინის განყოფილება – 2 ვაკანსია სპეციალობა –  მედიცინა)
• სოფლის მეურნეობის მეცნიერებათა განყოფილება – 1 ვაკანსია (სპეციალობა – სურსათის უვნებლობა)
• საზოგადოებრივ მეცნიერებათა განყოფილება – 1 ვაკანსია (სპეციალობა – სამართალი)
• ენის, ლიტერატურისა და ხელოვნების განყოფილება – 1 ვაკანსია (სპეციალობა – ენათმეცნიერება)

 

საქართველოს მეცნიერებათა ეროვნული აკადემიის სტიპენდიატად შეიძ­ლება აირჩეს დოქტორის აკადემიური ხარისხის ან მასთან გათანაბრებული სამეცნიერო ხარისხის მქონე პირი, რომელიც საერთაშორისო დონეზე აღიარე­ბული სამეცნიერო ნაშრომების ავტორია.

საქართველოს მეცნიერებათა ეროვნული აკადემიის სტიპენდიატად არ შეიძლება აირჩეს პირი, რომლის ასაკი 50 წელს აღემატება. იგი უნდა იყოს საქართველოს მოქა­ლაქე და მოღვაწეობდეს საქართველოში. პირი აკადემიის სტიპენდიატად აირჩევა 5 წლის ვადით. ერთი და იმავე პირის აკადემიის სტიპენდიატად არჩევა შეიძლება მხო­ლოდ ორჯერ.

საქართველოს მეცნიერებათა ეროვნული აკადემიის სტიპენდიატობის კანდი­დატთა მიერ წარმოდგენილ უნდა იყოს შემდეგი საბუთები (ორ ეგზემ­პლარად):

• საქართველოს მეცნიერებათა ეროვნული აკადემიის წევრების წარდგინება (დედანი, დამოწმებული წარმდგენის ხელმოწერითა და სველი ბეჭდით) ან სამეცნიერო დაწესე­ბულებების, სახელმწიფო უმაღლესი სასწავლებლებისა და კერძო ავტორიზებული უმაღლესი სასწავლებლების დასაბუთებული წარდგი­ნება (დედანი, დაბეჭდილი ტიტულოვან ბლანკზე);
• ფერადი ფოტო 4/6;
• უმაღლესი განათლების, დოქტორის აკადემიური ხარისხის ან მასთან გათა­ნაბრებული სამეცნიერო ხარისხის დამადასტურებელი საბუთების ასლები (დამოწმებული ნოტარიულად);
• მონაცემები შრომითი და სამეცნიერო საქმიანობის შესახებ (CV);
• ძირითადი სამეცნიერო შრომების ჩამონათვალი (საერთაშორისო/უცხოურ ჟურ­ნალებში გამოქვეყნებული სამეცნიერო ნაშრომები აღინიშნება ვარს­კვლავით);
• დარგის სპეცია­ლისტის მიერ კანდიდატის სამეცნიერო მოღვაწეობის შეფასება (დედანი);
• კანდიდატის პირადობის მოწმობის ან პასპორტის ასლი, ცნობა სამუშაო ადგი­ლიდან მისი საქართველოში მოღვაწეობის შესახებ.

საბუთები წარმოდგენილი უნდა იყოს ქართულ ენაზე (საჭიროების შემთ­ხვევაში ნოტარიულად დამოწმებული თარგმანი) პირადად აკადემიის სტიპენდია­ტობის კანდი­დატის მიერ.

აღნიშნული განცხადება და კანდიდატის მონაცემები (CV)  განთავსებულ იქნება საქარ­თვე­ლოს მეცნი­ერებათა ეროვნული აკადემიის ვებგვერდზე (www. science.org.ge), კანდიდატის CV და ფოტოსურათი წარმოდგენილი უნდა იყოს ელექტრონული ფორ­მით ელექტრონულ მისამართზე (hr@science.org.ge).

საბუთები მიიღება საქართველოს მეცნიერებათა ეროვნულ აკადემიაში (მისა­მართი: თბილისი, რუსთაველის გამზირი 52), 2024 წლის 15 ოქტომბრიდან 15 ნოემბრის ჩათვლით), ყოველი სამუშაო დღის 11⁰⁰-დან 17⁰⁰ საათამდე.

საბუთების მიღებას განახორციელებს აკადემიის ადამიანური რესურსების მარ­თვისა და სპეციალურ დავალებათა დეპარ­ტამენტი (IV სართული, ოთახი 409), ხოლო რეგისტრაციას – აკადემიის კანცელარია.

შენიშვნა: დამატებითი ინფორმაციის მიღება შესაძლებელია აკადემიის ადამია­ნური რესურსების მართვისა და სპეციალურ დავალებათა დეპარტა­მენტში (საკონტაქტო პირი – ეკატერინე ჟღენტი, ტელ. 2 93-29-86; 577-40-61-51).