ინჟინერიისა და ტექნოლოგიის საერთაშორისო ინსტიტუტის სამეცნიერო პრემიის ლაურეატი
- იანვარი 14, 2021
2020 წლის 26 დეკემბერს, საქართველოს მეცნიერებათა ეროვნული აკადემიის პრეზიდენტს, აკადემიკოს გიორგი კვესიტაძეს მიენიჭა ინჟინერიისა და ტექნოლოგიის საერთაშორისო ინსტიტუტის (IETI) ყოველწლიური სამეცნიერო პრემიის ლაურეატის წოდება, რომელიც მოიპოვა გამორჩეული წარმატებით მეცნიერების, ტექნიკის და ინოვაციური ტექნოლოგიის განვითარებაში.
საერთაშორისო საინჟინრო და ტექნოლოგიური ინსტიტუტი (IETI) დაარსდა 2015 წელს, არის საერთაშორისო აკადემიური ორგანიზაცია, რომლის წევრებიც არიან 6 ნობელის პრემიის ლაურეატი, 2 ტურინგის პრემიის ლაურეატი, 100-ზე მეტი აკადემიკოსი. IETI– ს ძირითადი წევრები არიან მასაჩუსეტსის ტექნოლოგიური ინსტიტუტიდან, ჰარვარდის, ოქსფორდის, კემბრიჯის, კალიფორნიის, სტენფორდის, კოლუმბიის, პრინსტონის და მსოფლიოს სხვა წამყვანი უნივერსიტეტებიდან.
