შეხვედრა საქართველოში წმინდა საყდრის დესპანთან
- სექტემბერი 25, 2020
24 სექტემბერს საქართველოს მეცნიერებათა ეროვნულ აკადემიას ეწვია საქართველოში წმინდა საყდრის დესპანი მონს. ჟოზე ბეტანკური. შეხვედრაზე განიხილეს საქართველოსა და იტალიას შორის საუკუნეების განმავლობაში არსებული ისტორიული ურთიერთობები. აკადემიის ხელმძღვანელობამ დესპანს გააცნო საქართველოს მეცნიერებათა ეროვნული აკადემიის საქმიანობა, სამეცნიერო-კვლევით დაწესებულებებში ამჟამად მიმდინარე სამეცნიერო სამუშაოები.
წმიდა საყდრის დესპანმა ისაუბრა ურთიერთთანამშრომლობის საჭიროებაზე საქართველოს მეცნიერებათა ეროვნულ აკადემიასა და ვატიკანის სოციალურ მეცნიერებათა პონტიფიკურ აკადემიას შორის, რომელიც დაარსებულია 1603 წელს და რომლის რიგებშიც ნობელის პრემიის არაერთი ლაურეატია მსოფლიოს სხვადასხვა ქვეყნიდან. ამგვარი ურთიერთობები ორივე მხარისთვის სასარგებლო იქნებოდა.
